1. Mkutano Mkuu wa Wanachama

Mkutano Mkuu ni chombo cha juu cha maamuzi ndani ya HRT SACCOS. Wanachama wote wanahudhuria Mkutano Mkuu ambapo maamuzi makubwa kuhusu sera, bajeti, na maendeleo ya ushirika yanajadiliwa na kupitishwa.

2. Bodi ya Uongozi

Bodi ya Uongozi huchaguliwa na Wanachama kupitia Mkutano Mkuu. Majukumu yake ni pamoja na kusimamia utekelezaji wa sera, kufuatilia shughuli za menejimenti, na kuhakikisha uwajibikaji katika matumizi ya rasilimali za ushirika.

3. Kamati za Chama

HRT SACCOS ina kamati maalum kama vile:

Kamati hizi husaidia katika utekelezaji wa majukumu ya kila siku kwa ufanisi na kwa kufuata kanuni za Ushirika.

4. Menejimenti

Idara ya Menejimenti inahusisha:

• Meneja Mkuu - Msimamizi na Mtendaji Mkuu wa shughuli zote za Chama
• Wahasibu - Usimamizi wa fedha na kumbukumbu
• Maafisa Mikopo - Usimamizi wa mikopo na mikakati
• Afisa Tehama - Huduma za teknolojia na mawasiliano

Wao wanahakikisha kuwa huduma za kifedha, mikopo, ushauri wa kifedha na huduma za teknolojia ya habari na mawasiliano zinawafikia Wanachama kwa wakati na kwa ubora.

5. Wanachama

Wanachama ndio msingi wa uhai wa HRT SACCOS. Wao hununua hisa za umiliki wa Chama na kutumia bidhaa na huduma za Chama, na kushiriki katika maamuzi yanayoathiri maendeleo ya chama. Kila Mwanachama ana haki sawa.

6. Ushirikiano na Taasisi Nyingine

HRT SACCOS hushirikiana na taasisi za kifedha, Serikali, na Wadau wa maendeleo ya Ushirika ili kuboresha huduma kwa Wanachama wake na kukuza uwezo wa kiuchumi wa Wanachama wake na jamii inayozunguka kwa ujumla.

7. Uwajibikaji na Uwiano

Uongozi wa HRT SACCOS unawajibika kwa misingi ya utawala bora moja kwa moja kwa Wanachama. Kila mwaka hufanyika ukaguzi wa hesabu, na taarifa huwasilishwa kwa Wanachama kupitia Mkutano Mkuu ili kuhakikisha uwazi na uadilifu.